*उदगीर किल्ल्यात नामांकित अँकर्स-संपादकांचा सत्कार; ऐतिहासिक व आध्यात्मिक वारशाचा घेतला अनुभव*

CULTURAL NEWS

उदगीर किल्ल्यात नामांकित अँकर्स-संपादकांचा सत्कार; ऐतिहासिक व आध्यात्मिक वारशाचा घेतला अनुभव

April 20, 2026
1 Mins

*उदगीर किल्ल्यात नामांकित अँकर्स-संपादकांचा सत्कार; ऐतिहासिक व आध्यात्मिक वारशाचा घेतला अनुभव*

उदगीर (प्रतिनिधी):

उदागीर बाबा मठ संस्थान, किल्ला उदगीर यांच्या वतीने ऐतिहासिक किल्ला परिसरात नामांकित वृत्तवाहिन्यांच्या अँकर्स व संपादकांचा सन्मानपूर्वक सत्कार करण्यात आला.
आज उदगीर शहरात अखिल भारतीय मराठी पत्रकार परिषद 44 राष्ट्रीय अधिवेशनात उदगीरा त आले असता त्यांचे त्याच अनुषंगाने त्यांनी किल्ला येथे पाहण्यासाठी आले आगमन झालेल्या या मान्यवरांनी ऐतिहासिक उदगीर किल्ला व पवित्र उदागीर बाबा मठ संस्थान येथे भेट देत येथील धार्मिक व ऐतिहासिक वारशाचा जवळून अनुभव घेतला. या मान्यवरांमध्ये श्री. प्रसन्न जोशी (संपादक, पुणेरी न्यूज), विशाल परदेशी (न्यूज १८ मराठी), प्रज्ञा पोवळे (एबीपी माझा), श्वेता दांडेकर (टीव्ही ९ मराठी), सौरभ कोस्टकर (झी २४ तास) आणि विशाल पाटील (संपादक, लोकशाही न्यूज) यांचा समावेश होता.
किल्ल्याची पाहणी करत असताना त्यांनी येथील भक्कम तटबंदी, बुरुज, प्रवेशद्वारांची रचना यांची माहिती घेत उदगीरच्या वैभवशाली इतिहासाचा आढावा घेतला. त्यानंतर सर्व मान्यवरांनी उदगीर बाबा मठ येथे जाऊन उदगीर बाबांचे दर्शन घेतले.
मठ परिसरात पोहोचल्यावर मठाधीश जयेश गिरी गुरु सतीश गिरी महाराज, किरण महाराज, सोनू महाराज यांच्या हस्ते मान्यवरांचा सन्मानपूर्वक सत्कार करण्यात आला. या कार्यक्रमास जनस्तंभचे संपादक सिद्धार्थ सूर्यवंशी, श्रीधर सावळे,प्रशांत जगताप, विशाल वारकरे, नारायण बेंबडे, राजकुमार स्वामी आदी मान्यवर उपस्थित होते.
यावेळी उपस्थित मान्यवरांनी उदगीर बाबांच्या १८ व्या शतकातील इतिहासाची माहिती जाणून घेतली. बाबांनी घेतलेल्या जिवंत समाधीबाबत तसेच मंदिर परिसराच्या आध्यात्मिक महत्त्वाबद्दल त्यांनी उत्सुकतेने माहिती घेतली. दर्शनानंतर मान्यवरांनी किल्ला व मंदिर परिसराची पाहणी करून उदगीरच्या ऐतिहासिक व धार्मिक परंपरेचे कौतुक व्यक्त केले.
*Devashish Govind Tokekar*
*INDIAN PRESS UNION*
*District Reporter*