अंबेवेस परिसरातील जुन्या पुलाच्या पुनर्निर्माणाचा शुभारंभ करण्यात आला असून, या कामाच्या पद्धतीबाबत नगर परिषदेमधील Nationalist Congress Party (Sharadchandra Pawar faction) गटनेते तथा नगरसेवक नितीन बागवाले यांनी काही मुद्दे उपस्थित केले आहेत.

अंबेवेस येथील पूल हा प्रभाग क्रमांक १६ मधील महत्त्वाचा वाहतूक दुवा असून, या भागातील नागरिकांची ये-जा मोठ्या प्रमाणात याच पुलावर अवलंबून असल्याचे त्यांनी नमूद केले. त्यामुळे जुना पूल पाडण्यापूर्वी नागरिकांच्या सोयीसाठी पर्यायी पुलाची व्यवस्था करणे आवश्यक असल्याचे त्यांनी सांगितले.

नगर परिषदेच्या मंजूर अंदाजपत्रकात पर्यायी पुलासाठी निधीची तरतूद असल्याचेही त्यांनी नमूद करत, त्या कामाकडे लक्ष देण्याची गरज व्यक्त केली. विशेषतः पावसाळ्याच्या पार्श्वभूमीवर विद्यार्थ्यांसह महिला, ज्येष्ठ नागरिक व शेतकऱ्यांना अडचणी येऊ शकतात, असे त्यांनी सांगितले.

दरम्यान, अंबेवेस परिसरातील काही नागरिकांनीही पर्यायी व्यवस्था करण्याची मागणी केल्याची माहिती समोर आली आहे.

तसेच, या विषयावर आवाज उठविल्यानंतर काही प्रकारच्या दबावाची भावना निर्माण झाल्याचा आरोपही नितीन बागवाले यांनी व्यक्त केला. तथापि, याबाबत संबंधित प्रशासन किंवा इतर पक्षांची अधिकृत प्रतिक्रिया मिळू शकलेली नाही.

*Devashish Govind Tokekar*
Editor/Reporter/Journalist
*INDIAN PRESS UNION*
District Reporter