बीड (प्रतिनिधी) :
आदर्श शिक्षण संस्था, बीड संचलित कालिकादेवी कनिष्ठ महाविद्यालयाचा इयत्ता बारावी फेब्रुवारी/मार्च 2026 परीक्षेचा निकाल जाहीर झाला असून महाविद्यालयाने उच्च निकाल नोंदवला आहे. महाविद्यालयाच्या माहितीनुसार, एकूण सरासरी निकाल 98.67 टक्के लागला आहे.

महाराष्ट्र राज्य उच्च माध्यमिक शिक्षण मंडळ, पुणे यांच्या निकालानुसार विज्ञान शाखेचा 99.68 टक्के, कला शाखेचा 98.13 टक्के आणि वाणिज्य शाखेचा 90.62 टक्के निकाल लागला आहे.

विज्ञान शाखेत 226 विद्यार्थ्यांनी विशेष प्राविण्य मिळवले असून 78 विद्यार्थी प्रथम श्रेणीत आणि 9 विद्यार्थी द्वितीय श्रेणीत उत्तीर्ण झाले आहेत. कला शाखेत 21 विद्यार्थी विशेष प्राविण्यासह उत्तीर्ण झाले असून 63 विद्यार्थी प्रथम, 18 द्वितीय व 3 विद्यार्थी तृतीय श्रेणीत उत्तीर्ण झाले. वाणिज्य शाखेत 1 विद्यार्थ्याने विशेष प्राविण्य मिळवले असून 19 विद्यार्थी प्रथम आणि 9 विद्यार्थी द्वितीय श्रेणीत उत्तीर्ण झाले आहेत.

गुणानुक्रमानुसार विज्ञान शाखेत श्रावणी नितीन कदम (94.17%) प्रथम, प्रीती अभिमान उगले (93.33%) व स्नेहल अण्णासाहेब ढाकणे (93.33%) द्वितीय, तर अथर्व भांगे (93%) तृतीय क्रमांकावर आहेत. कला शाखेत विशाल अर्जुन भिलारे (82%) प्रथम, प्रतीक्षा लहू पुरी (81.67%) द्वितीय व शितल संतोष साळवे (81%) तृतीय क्रमांकावर आहेत. वाणिज्य शाखेत श्रीजा संतोषकुमार ढाकणे (86%) प्रथम, समृद्धी शरद शिंदे (74.33%) द्वितीय व आईशा नासेर शेख (73.33%) तृतीय क्रमांकावर आहेत.

महाविद्यालयाच्या प्राचार्यांनी विद्यार्थ्यांच्या यशाबद्दल समाधान व्यक्त केले असून सर्व यशस्वी विद्यार्थ्यांचे अभिनंदन करण्यात आले आहे.