अमरदीप दगडे (जिल्हा प्रतिनिधी)
आर्जापूर : आर्थिकदृष्ट्या दुर्बल घटकांतील गुणवंत विद्यार्थ्यांसाठी शासनामार्फत दरवर्षी आयोजित करण्यात येणाऱ्या NMMS (राष्ट्रीय आर्थिक दुर्बल घटक शिष्यवृत्ती योजना) परीक्षेत जयराम आंबेकर विद्यालय, आर्जापूरने यंदा उल्लेखनीय यश संपादन केले आहे. या परीक्षेस विद्यालयातील एकूण 19 विद्यार्थी प्रविष्ट झाले होते, त्यापैकी 5 विद्यार्थी उत्तीर्ण होऊन विद्यालयाच्या शैक्षणिक गुणवत्तेची परंपरा कायम राखली आहे.
उत्तीर्ण विद्यार्थ्यांची गुणवत्ता क्रमवारी पुढीलप्रमाणे —
🥇 प्रथम : प्रतीक्षा रमेश पैय्यावार
🥈 द्वितीय : ऋषिकेश किशन पांचाळ
🥉 तृतीय : इमरान अफजल पठाण
🏅 चतुर्थ : लोकेश सायलू मिर्झापुरे
♿ दिव्यांग प्रवर्गातून : गायत्री गहिनीनाथ मदनुरे
या विद्यार्थ्यांना शाळेतील शिक्षक सतीश जोशी व स्वामी मॅडम यांनी विशेष मार्गदर्शन करून परीक्षेची सखोल तयारी करून घेतली.
या यशाबद्दल उत्तीर्ण विद्यार्थी व मार्गदर्शक शिक्षकांचा शाळेच्या वतीने सत्कार करण्यात आला. विद्यार्थ्यांच्या या यशाबद्दल आंतरभारती शिक्षण संस्थेच्या उपाध्यक्षा नंदाबाई पटणे, सचिव चंद्रशेखर पाटील सावळीकर, सहसचिव जयमाला पटणे, संचालक गंगाधरराव पापुलवार तसेच विद्यालयाचे मुख्याध्यापक सुभाष देगलूरकर यांनी अभिनंदन करून पुढील शैक्षणिक वाटचालीस शुभेच्छा दिल्या.
यावेळी सर्व शिक्षक, शिक्षकेतर कर्मचारी, पालक व विद्यार्थ्यांनीही यशस्वी विद्यार्थ्यांचे कौतुक केले.