भंडारा, २९ एप्रिल २०२६:
भंडारा येथे ‘व्हॉइस ऑफ मीडिया’च्या वतीने जिल्हा व तालुका कार्यकारिणीचा पदग्रहण सोहळा तसेच पत्रकार कार्यशाळेचे आयोजन करण्यात आले. हा कार्यक्रम साई प्लाझा हॉटेल येथे पार पडला.
कार्यक्रमाला अतिरिक्त पोलीस अधीक्षक निलेश मोरे, राष्ट्रीय समन्वयक किशोर करंजेकर, राज्य कार्याध्यक्ष नरेंद्र देशमुख यांच्यासह विविध पदाधिकारी उपस्थित होते.
या वेळी उपस्थित मान्यवरांनी पत्रकारितेतील बदलते स्वरूप, डिजिटल मीडियाचा प्रभाव तसेच पत्रकारांच्या हक्क व जबाबदाऱ्या यावर मार्गदर्शन केले.
निलेश मोरे यांनी पत्रकारांनी निर्भीडपणे समस्यांकडे लक्ष वेधण्याची गरज व्यक्त केली आणि प्रशासन व माध्यमांमध्ये समन्वय आवश्यक असल्याचे सांगितले.
किशोर करंजेकर यांनी पत्रकारांच्या विकासासाठी उपक्रम राबवण्याबाबत माहिती दिली. तर नरेंद्र देशमुख यांनी संघटनात्मक एकतेचे महत्त्व अधोरेखित केले.
कार्यक्रमात नवनियुक्त पदाधिकाऱ्यांचा पदग्रहण सोहळा पार पडला. जिल्ह्यातील विविध माध्यम प्रतिनिधी मोठ्या संख्येने उपस्थित होते.
