காஞ்சிபுரம் ஒரகடம் ரெனால்ட் நிசான் ஆலையின் முழு உரிமையை கையகப்படுத்திய ரெனால்ட்: தமிழகத்தில் வளர்ச்சியை விரைவுபடுத்த திட்டம்

காஞ்சிபுரம்: ஒரகடத்தில் அமைந்துள்ள ரெனால்ட் நிசான் நிறுவனத்தின் கார் உற்பத்தி ஆலையின் முழு உரிமையையும் ரெனால்ட் நிறுவனம் கையகப்படுத்தியுள்ளது. 640 ஏக்கர் பரப்பளவில் அமைந்துள்ள இந்த உற்பத்தி ஆலை, ஆண்டுக்கு 4 லட்சம் கார்கள் தயாரிக்கும் திறன் கொண்டதாக தெரிவிக்கப்பட்டுள்ளது. ஆலையின் முழு உரிமையை கையகப்படுத்தியுள்ள நிலையில், இந்தியாவில் நிறுவனத்தின் வளர்ச்சியை விரைவுபடுத்த திட்டமிட்டுள்ளதாக ரெனால்ட் நிறுவனம் தெரிவித்துள்ளது.

காஞ்சிபுரம் மாவட்டம் ஒரகடம் அருகே அமைந்துள்ள ரெனால்ட் நிசான் கார் உற்பத்தி தொழிற்சாலையில், தமிழக முதலமைச்சர் மு.க. ஸ்டாலின் நேரில் ஆய்வு மேற்கொண்டார்.

தொழிற்சாலையில் நடைபெற்று வரும் கார் உற்பத்தி நடவடிக்கைகள், மேம்படுத்தப்பட்டுள்ள உள்கட்டமைப்பு வசதிகள் மற்றும் எதிர்காலத்திற்கான புதிய முதலீட்டுத் திட்டங்கள் குறித்து அவர் விரிவாக கேட்டறிந்தார்.

இந்த ஆய்வின்போது, தொழிற்சாலையின் தற்போதைய உற்பத்தித் திறன், வேலைவாய்ப்பு சூழல் மற்றும் சுற்றுச்சூழல் பாதுகாப்பு நடவடிக்கைகள் குறித்தும் முதலமைச்சர் அதிகாரிகளுடன் கலந்துரையாடினார்.

ரெனால்ட் நிசான் நிறுவனம் தமிழகத்தில் தொழில் வளர்ச்சியை மேம்படுத்துவதிலும், புதிய முதலீடுகளை ஈர்ப்பதிலும் முக்கிய பங்கு வகித்து வருகிறது. இந்த ஆய்வின் மூலம் மாநிலத்தின் தொழில் வளர்ச்சித் திட்டங்களுக்கு மேலும் வலுசேர்க்கும் என எதிர்பார்க்கப்படுகிறது.

தொழிற்சாலை அதிகாரிகளிடம் உற்பத்தியை அதிகரிப்பது, புதிய தொழில்நுட்பங்களை அறிமுகப்படுத்துவது மற்றும் தொழிலாளர் நலனைப் பேணுவது உள்ளிட்ட முக்கிய அம்சங்கள் குறித்து முதலமைச்சர் ஆலோசனை மேற்கொண்டார்.

மேலும், தொழிற்சாலையின் விரிவாக்கப் பணிகள் மற்றும் எதிர்காலத் திட்டங்கள் குறித்தும் அவர் கேட்டறிந்தார். தமிழகத்தின் பொருளாதார வளர்ச்சிக்கு இத்தகைய தொழிற்சாலைகளின் பங்களிப்பு முக்கியமானது என்பதை அவர் வலியுறுத்தினார்.

ஆய்வின் முடிவில், ரெனால்ட் நிசான் தொழிற்சாலையின் செயல்பாடுகள் குறித்து முதலமைச்சர் திருப்தி தெரிவித்ததாகவும், தமிழக அரசின் சார்பில் தேவையான அனைத்து உதவிகளும் வழங்கப்படும் என்றும் தெரிவிக்கப்பட்டது.

ஒரகடம் பகுதியில் மேலும் பல தொழில் நிறுவனங்களை ஈர்ப்பதற்கான அரசின் முயற்சிகள் குறித்தும் ஆய்வின்போது விவாதிக்கப்பட்டது. முதலமைச்சர் மு.க. ஸ்டாலினின் இந்த ஆய்வு, தமிழகத்தின் தொழில் துறையில் மேலும் முதலீடுகளை ஈர்க்கும் முயற்சிகளுக்கு ஊக்கமளிக்கும் என எதிர்பார்க்கப்படுகிறது.