नेवासा (शिवप्रहार न्यूज): त्रिमूर्ती पावन प्रतिष्ठानचे सचिव मनीष अण्णासाहेब घाडगे यांच्या आत्महत्येप्रकरणी त्यांच्या कुटुंबातील सदस्यांसह सहा जणांविरुद्ध आत्महत्येस प्रवृत्त केल्याचा गुन्हा दाखल करण्यात आला आहे. या घटनेमुळे परिसरात आणि शैक्षणिक क्षेत्रात खळबळ उडाली आहे।
पोलीसांकडून मिळालेल्या माहितीनुसार, मनीषा मनीष घाडगे (वय 40) यांनी दिलेल्या फिर्यादीत असा आरोप केला आहे की, संबंधित व्यक्तींनी त्यांच्या पतीवर सचिव पदाचा राजीनामा देण्यासाठी दबाव टाकला तसेच बदनामीच्या खोट्या केसेस दाखल करण्याची धमकी दिली। फिर्यादीत मारहाण आणि मानसिक त्रास दिल्याचेही नमूद करण्यात आले आहे।
या तक्रारीच्या आधारे नेवासा पोलीस ठाण्यात गुन्हा क्रमांक 339/2026 नोंदवण्यात आला असून भारतीय न्याय संहिता कलम 108, 115(2), 3(5) अंतर्गत प्रकरण दाखल करण्यात आले आहे। पुढील तपास पोलीस करत आहेत।
दरम्यान, मनीष घाडगे यांच्या निधनानंतर त्यांच्या अंत्यसंस्काराबाबत काही काळ संभ्रम निर्माण झाला होता। अखेर त्यांचे पार्थिव नेवासा फाटा येथील त्रिमूर्ती संकुलात आणून तेथेच अंत्यसंस्कार करण्यात आले।
